യാചകൻ കണ്ട സ്വപ്നം

എനിക്കൊരു മണിവീണ കടമായി തരൂ 

എന്റെ സ്വപ്നങ്ങൾക്കു ഈണമേകാൻ 

 ഈ നിദ്ര എനിക്കിന്നു  നഷ്ടമായാൽ 

എന്റെ കിനാക്കളും എനിക്കന്യമായ് 

ഇപ്പോൾ ഞാനൊരു ധനികനാണ് 

എന്റെ വയറിനു  വിശപ്പിന്റെ നോവില്ല 

 മുടികളിൽ ജടയില്ല, നരയില്ല 

മേനിയിലോ ഇന്ന് ദുർഗദ്ധം ഇല്ല 

കാലിലോ വിലയുള്ള പാദരക്ഷ 

എന്റെ കഴുത്തിൽ പവിഴമാല 

എനിക്കായി നില്ക്കുന്നു പരിചാരകർ 

ഇനി ഉണർന്നാൽ .തിരിച്ചു പോണം 

ആരും വെറുക്കും യാചകനായ് 

ഒരു കുഞ്ഞു ഭാണ്ടത്തിനധിപനായി ,

അന്നത്തിനായി തെരുവിൽ അലയുന്ന

പരിഹാസപാത്രനായ് നില്കുന്ന തെണ്ടി .