സ്പന്ദനം

എനിക്ക് നീ അവസാനം നല്കിയ 

ചുവന്ന പുഷ്പത്തിന്റെ ദളങ്ങൾ 

ഇന്ന് കൊഴിഞ്ഞു വീണിരിക്കുന്നു 

എന്റെ പ്രിയപ്പെട്ട ചഷകത്തിൽ 

ഞാനാ ഇതളുകൾ പെറുക്കി വെച്ചു .

നിന്റെ മധുരിക്കുന്ന ഓർമ്മകൾക്കൊപ്പം .

നീ  മന്ത്രകോടിയിൽ 

അണിഞ്ഞൊരുങ്ങി 

അപരിചിതന്റെ കാലൊച്ചക്കായി 

കാതോർത്തിരിക്കുന്ന ഇന്ന് 

എനിക്കു മോഹം അതിന്റെ 

നഷ്‌ടമായ വർണ്ണം തിരിച്ചു നല്കാൻ 

 പറ്റിയ നിറം തേടി അലഞ്ഞു 

കണ്ടെത്തിയ നിറങ്ങളൊന്നും 

അതിനു  യോചിക്കുന്നില്ല 

എന്നെനിക്കു തോന്നി .

അവസാനം ഞാൻ  കണ്ടെത്തി 

എന്റെ ചഷകം ആ വർണ്ണത്തിൽ 

നിറഞ്ഞു കവിയുമ്പോൾ 

എന്റെ  വിരലുകൾ സ്പന്ദിക്കുന്നു .

മറുകയ്യിൽ ഞാൻ ബലമായ്‌ 

പിടിച്ച ബ്ലേഡ്     നിലത്തു വീണു ,

നിന്റെ മുറിവേൽപ്പിച്ച ഓർമ്മകൾക്കൊപ്പം...